विक्रम विठ्ठल चोरमले, संपादक, महाराष्ट्र माझा न्युज नेटवर्क फलटण
“फोटोखाली बसलेले दोन चेहरे आणि डोळ्यांत दाटलेल्या आठवणी…”
दिनांक २२ रोजी दुपारी फलटण नगर परिषद सभागृहात नवनिर्वाचित स्वीकृत सदस्य व उपनगराध्यक्ष यांच्या सत्कार कार्यक्रमाची वर्दळ सुरू असताना नगराध्यक्ष समशेरसिंह नाईक निंबाळकर आणि माजी खासदार रणजितसिंह नाईक निंबाळकर हे नगरसेवक व भाजप पदाधिकारी यांच्या समोर एकत्र बसलेले होते. योगायोग म्हणजे समोर व्यासपीठावर कैलासवासी हिंदुराव नाईक निंबाळकर यांचा फोटो होता त्याखाली नगराध्यक्ष समशेरसिंह नाईक निंबाळकर आणि त्याखाली माजी खासदार रणजितसिंह नाईक निंबाळकर बसले होते. मलाही हा क्षण भावला आणि तो फोटो मी माझ्या कॅमेरा टिपला.
“क्षण थांबला… आणि आठवणी बोलू लागल्या”
कै. हिंदुराव नाईक निंबाळकर यांच्या फोटो खाली नगराध्यक्ष समशेरसिंह नाईक निंबाळकर आणि माजी खासदार रणजितसिंह नाईक निंबाळकर यांना पाहताच उपस्थित अनेकांच्या मनात एका क्षणातच कै. हिंदुराव नाईक निंबाळकर यांची आठवण दाटून आली. तोच संयमित चेहरा, तीच आपुलकी आणि कार्यकर्त्यांशी थेट संवाद साधण्याची परंपरा पुन्हा जिवंत झाल्यासारखी भावना सर्वत्र पसरली.
हिंदुराव नाईक निंबाळकर हे केवळ एक राजकीय नेते नव्हते, तर कार्यकर्त्यांचे आधारस्तंभ होते. हिंदुराव नाईक निंबाळकर हे फलटणच्या राजकीय आणि सामाजिक जीवनातील केवळ एक नाव नव्हते, तर ते एक विचार होते, एक परंपरा होती. कार्यकर्त्यांच्या सुख-दुःखात सहभागी होणारा, त्यांच्या अडचणी मनापासून ऐकून घेणारा आणि संकटात ठामपणे पाठीशी उभा राहणारा नेता म्हणून त्यांची ओळख होती.
“आज नेते नाहीत,पण त्यांचे विचार राहिले : हिंदुराव नाईक निंबाळकरांची आठवण पुन्हा जागी झाली”
नगर परिषद असो किंवा गावपातळीवरील एखादी साधी बैठक हिंदुराव नाईक निंबाळकर हे नेहमी कार्यकर्त्यांमध्येच बसायचे. ‘मी आणि माझे’ असा भेद त्यांनी कधीच केला नाही. आज त्यांची उणीव प्रकर्षाने जाणवत असली, तरी समशेरसिंह आणि रणजितसिंह यांच्या रूपाने तोच वारसा, तीच विचारधारा आणि कार्यकर्त्यांशी असलेले भावनिक नाते पुढे सुरू असल्याचे चित्र दिसून आले.
“नेते असते तर असेच बसले असते…” अशी प्रतिक्रिया अनेक ज्येष्ठ कार्यकर्त्यांच्या ओठांवर होती. अनेकांच्या डोळ्यांत नकळत पाणी तराळले, तर काहींनी शांतपणे नतमस्तक होत त्यांच्या आठवणींना उजाळा दिला. फलटणच्या राजकीय आणि सामाजिक जीवनात हिंदुराव नाईक निंबाळकर यांनी निर्माण केलेली मूल्याधिष्ठित परंपरा आजही कार्यकर्त्यांच्या मनात तितकीच जिवंत असल्याचे या प्रसंगातून पुन्हा एकदा स्पष्ट झाले.
“फलटण नगर परिषदेत भावनांचा क्षण : हिंदुराव नाईक निंबाळकरांचा वारसा पुन्हा दिसला”
फलटणच्या राजकारणात अनेक बदल झाले, अनेक चेहरे बदलले; मात्र हिंदुराव नाईक निंबाळकर यांनी निर्माण केलेली मूल्यांची परंपरा आजही कार्यकर्त्यांच्या मनात तितकीच ठाम आहे.फलटण नगर परिषद मधील हा क्षण त्यामुळे केवळ एक दृश्य न राहता, एका नेतृत्वशैलीची, एका नात्याची आणि एका युगाची भावनिक आठवण ठरला.हा केवळ एक क्षण नव्हता, तर एका युगाची आठवण करून देणारा भावनिक प्रवास होता. या क्षणी ज्यात नेतृत्व, आपुलकी आणि निष्ठेची छाया आजही फलटणच्या राजकारणावर उमटलेली दिसून आली. या दृश्यातून केवळ भावनाच नाहीत, तर एक स्पष्ट संदेशही मिळाला हिंदुराव नाईक निंबाळकर यांचा वारसा केवळ नावापुरता नाही, तर तो विचारांतून, वर्तनातून आणि कार्यकर्त्यांशी असलेल्या नात्यातून जिवंत आहे.
समशेरसिंह नाईक निंबाळकर आणि रणजितसिंह नाईक निंबाळकर यांच्या भूमिकेतून तीच आपुलकी, तोच संयम आणि तोच संवादाचा धागा दिसून आला.समशेरसिंह नाईक निंबाळकर आणि रणजितसिंह नाईक निंबाळकर हे दोघेही बंधू शांतपणे, आपुलकीने एकत्र बसलेले पाहताच उपस्थितांच्या डोळ्यांसमोर कै. हिंदुराव नाईक निंबाळकर यांची प्रतिमा तरळून गेली. क्षणभर काळ थांबल्यासारखा वाटला आणि आठवणींचा एक भावनिक पूर मनात दाटून आला……..
