शिरवळ:- लोणंद- सातारा जिल्ह्यातील लोणंद – निरा या पालखी मार्गावरील माणिक सोना पेट्रोल पंपा समोर रस्त्यामध्ये नसलेल्या खड्ड्यात दुचाकी आदळून अपघात झाल्याची घटना घडली आहे. या अपघातामध्ये शाळेत जाणाऱ्या एका २० वर्षीय युवतीचा जागीच मृत्यू झाला असून इतर दोघेजण गंभीर जखमी झाले आहेत.
या घटनेनंतर आक्रमक झालेल्या ग्रामस्थांनी रस्ता रोको करून संबंधित ठेकेदारावर गुन्हा दाखल करण्याची मागणी केलेली आहे. याबाबत घटनास्थळावरून मिळालेली माहिती अशी की, सातारा जिल्ह्यातील लोणंद ते निरा या मार्गावर सोमवार दिनांक ६ रोजी सकाळी साडेसात वाजण्याच्या सुमारास माणिक सोना पेट्रोल पंपा समोर बाळू पाटलाची वाडी येथील तिघेजण दुचाकीवरून नीरा बाजूला जात होते, पेट्रोल पंपा समोर पाण्याचे लिकेज काढण्यासाठी खोदलेल्या खड्ड्यात दुजाकी उडाली व त्यावेळी दुचाकी वरील अंकिता अनिल धायगुडे (वय २०) ही शाळकरी मुलगी जागीच ठार झाली तर विशाल दौलत धायगुडे (वय २७) व सानिका विलास धायगुडे (वय १८) जाणार बाळू पाटलाची वाडी हे दोघेही गंभीर जखमी झाले आहेत.
