ढेबेवाडी प्रतिनिधी (महेश जाधव) :- ओंकार खंडोबा मदने वय वर्ष १२ राहणार जानुगडेवाडी (मदने वस्ती) यांस दिनांक १८ रोजी रात्री राहत्या घरी अस्वस्थ वाटून अचानक तब्येत बिघडल्याने कराड येथील कृष्णा हॉस्पिटल मध्ये दाखल केले असता सदर व्यक्तीला सर्पदंश झाल्याचे डॉक्टरांनी सांगितले.
त्याच्यावर उपचार चालू असताना दिनांक २० रोजी सकाळी १०:१५ वाजता त्याचे निधन झाले. उत्तरीय तपासणीनंतर आज त्याचा मृतदेह नातेवाईकांच्या ताब्यात देण्यात आला. दुपारी ४ वाजता जाणुगडेवाडी येथे त्यांच्यावरती अंत्यसंस्कार करण्यात आले. येथील पोलीस ठाण्यात या घटनेची नोंद झाली असून सहाय्यक पोलीस निरीक्षक डॉ प्रवीण दाईगडे यांच्या मार्गदर्शनाखाली हवालदार डी. एस. मुळगावकर तपास करत आहेत.सदर घटनेने ढेबेवाडी सह परिसरात हळहळ व्यक्त केली जात आहे.
