फलटण प्रतिनिधी: शिक्षणाच्या निमित्ताने मुलगी फलटण येथे असताना फलटणमधील गौरव आदेश निंबाळकर याने तिच्याशी ओळख काढून तिच्याशी बोलत मैत्रीचे संबंध प्रस्थापित केले. त्यानंतर ओळखीच्या निमित्ताने 2020 मध्ये आणि त्यानंतर वेळोवेळी 2025 पर्यंत आरोपीने पीडित मुलगी अल्पवयीन असतानाही जबरदस्तीने बलात्कार केला, तसेच वारंवार वेगवेगळ्या ठिकाणी नेऊन बलात्कार केला.या प्रकरणी वडगाव निंबाळकर पोलिसांनी पोक्सोसह बलात्कार आणि अपहरणाचा गुन्हा दाखल केला.
याप्रकरणी वडगाव निंबाळकर पोलिसांकडून मिळालेल्या माहितीनुसार, गौरव निंबाळकर हा फलटण येथील रहिवासी आहे. पीडित मुलगी ही 2019 मध्ये त्या ठिकाणी शिक्षण घेत असताना त्याने तिच्याशी ओळख वाढवली. त्याने 2020 मध्ये पीडित मुलगी तिच्या घरात एकटी असताना तिच्याकडे शरीर सुखाची मागणी केली. त्यावरून तिने नकार दिला असता, गौरव निंबाळकर याने पीडित मुलीस शिवीगाळ करत मी तुझ्या घरच्यांना काहीही सांगून बदनामी करीन अशी धमकी दिली. त्यानंतर मुलीने त्याच्याशी बोलणे बंद केले. मग फिर्यादीने फोन बंद करून ठेवल्यानंतर आरोपी हा तिच्या राहत्या घरी आला आणि त्याने तू माझ्याशी फोनवरून बोलणे बंद केले, तर मी तुझ्या आई-वडिलांना तुझे आणि माझे लफडे आहे असे सांगेन असे म्हणत त्याने धमकी आणि शिवीगाळ केली.
डिसेंबर 2021 मध्ये मुलगी अल्पवयीन असतानाही त्याने तिला शेजारील एका पडक्या खोलीत नेऊन तिच्यावर बलात्कार केला. त्यानंतर चार ते पाच वेळा त्याने त्या ठिकाणी नेऊन तिच्यावर तिच्या इच्छेविरुद्ध बलात्कार केला. त्यानंतर एक दिवस मोटरसायकलवर बसून नेऊन फलटण येथील साईरत्न लॉजवर त्याने तिच्या इच्छेविरुद्ध शरीर संबंध केले. त्याचे फोटो आणि व्हिडिओ काढून तिला धमकावले आणि ब्लॅकमेलिंग केले. त्यानंतर फेब्रुवारी 2024 पर्यंत वारंवार त्याच लॉजवर नेऊन त्याने तिच्याशी संबंध प्रस्थापित केले. त्यानंतर 7 ऑगस्ट 2025 मध्ये फिर्यादी राहत असलेल्या करंजेपूल नजीकच्या घरी येऊन माझ्याकडे तुझे फोटो व्हिडिओ आहेत, तू माझ्यासोबत लॉजवर चल, नाहीतर मी तुझे फोटो व्हिडिओ व्हायरल करेल, अशी धमकी दिली.हा प्रकार वारंवार होत असल्याने अखेर पीडित युतीने वडगाव निंबाळकर पोलीस ठाण्यात तक्रार दिली.
त्यावरून वडगाव निंबाळकर पोलीस ठाण्यात गौरव आदेश निंबाळकर यांच्या विरोधात भा.द.वि.कलम 354,354अ ,376(2)(एन), 452, 504, 506, सह बा.लैं.अ.सं.अधि.2012 चे कलम 4,8,12 नुसार गुन्हा दाखल करण्यात आला आहे.
