l महाराष्ट्र माझा l फलटण प्रतिनिधी l दि. १६ एप्रिल २०२५ l
साखरवाडी ता फलटण गावाच्या हद्दीत दिनांक १४ एप्रिल रोजी सकाळी ६.२० वाजण्याच्या सुमारास स्वतःचा जीव धोक्यात घालून फलटण ग्रामीण पोलीसांनी गांजा वाहतुक करणारी एक चार चाकी पकडून त्यामधून १०.३० किलो गांजा व चार चाकी असा ५ लाख ५० हजाराचा मुद्देमाल जप्त केला.
याबाबत फलटण ग्रामीण पोलीस ठाण्यातून मिळालेली माहिती अशी की , स्थानिक गुन्हे शाखा पोलीस उपनिरीक्षक गोपाळ बदने यांना माहिती मिळाली होती की एक स्विफ्ट कार सुरवडी गावाकडून साखरवाडी कडे जात आहे असून त्यामध्ये गांजा आहे त्यांनी तत्काळ तिथे उपस्थीत डीबी पथक व आरसीपी दोन कर्मचारी यांच्या मदतीने ती गाडी अडविण्याचा प्रयत्न केला. या गाडीत एक चालक व एकजण त्याच्या बाजूला बसला होता गाडी थांबली त्यावेळी चालक बाजूने पोलीस उपनिरीक्षक गोपाळ बदने चालकाशी चौकशी करत असताना चालकाने अचानक दरवाजा ओढून घेतला व गाडी सुरू केली यावेळी पोलीस उपनिरीक्षक गोपाळ बदने यांचा उजवा हात दरवाजामध्ये अडकला व गाडी चालकाने त्याना फरफटत नेले.
या घटनेत त्यांच्या पायाची संपूर्ण कातडी जमिनीला घासलेमुळे निघाली नंतर पुढे ७ सर्कल रोड येथे एका शेतात गाडी धडकून थांबली त्यावेळी गाडीचा चालक पळून गेला शेजारी बसलेले व्यक्ती स्थूल असलेमुळे त्याला पळता आले नाही नंतर स्थानिक गुन्हे शाखा पोलीस कर्मचारी तिथे पोहचले त्यावेळी स्विफ्ट डिजायर गाडीत पांढऱ्या गोणीत १०.३० किलो गांजा मिळून आला बाजूस बसलेले व्यक्तीने स्वतःचे नाव सांगणेस सुरवातीला नकार दिला व नंतर खोटे नाव सांगितले नंतर त्याने त्याचे नाव लक्ष्मण रामू जाधव (वय अंदाजे ६० वर्ष, राहणार पिलीव ता माळशिरश जिल्हा सोलापूर) असे सांगितले व पळून गेलेल्या चालकाचे नाव रणजीत लक्ष्मण जाधव सांगितले संशयतांवर पूर्वी म्हसवड, लोणंद, माळशिरस या ठिकाणी ४ गांजा वाहतूक गुन्हे दाखल आहेत.
चार चाकी शेतात गेल्याने त्यालाही मुका मार लागला आहे स्थानिक गुन्हे शाखा पथक ने पोलीस उपनिरीक्षक गोपाळ बदने व संशयित लक्ष्मण रामू जाधव याला फलटण येथील खाजगी रुग्णालयात व तिथून पुढे सातारा येथील जिल्हा रुग्णालयात दाखल केले पोलीस उपनिरीक्षक गोपाळ बदने यांनी जीवावर उदार होऊन गाडी अडविण्याचा प्रयत्न केला त्यात ते जखमी झाले असून त्याचे दोन्ही पाय सोलून निघाले आहेत.
सदर कारवाई पोलीस अधीक्षक समीर शेख, अप्पर पोलिस अधीक्षक डॉ वैशाली कडूकर, उपविभागीय पोलिस अधिकारी राहुल धस यांच्या मार्गदर्शना खाली पोलीस निरीक्षक सुनील महाडीक, पोलीस हवालदार नितीन चतुरे, तात्या कदम, अमोल जगदाळे, हनुमंत दडस, वैभव सूर्यवंशी, अमोल देशमुख,पोलीस उपनिरीक्षक दिपक पवार, पो.ना अमोल पवार, अमोल देशमुख यांनी केली.
