महाराष्ट्र माझा न्युज नेटवर्क
फलटण : अनैतिक प्रेमसंबंधाच्या कारणातून तिघांनी मिळून तरुणाचा निर्घृण खून केल्याची धक्कादायक घटना उघडकीस आली आहे. याप्रकरणी फलटण ग्रामीण पोलीसांकडून अवघ्या ४ तासांत गुन्हा उघड करून एका महिलेसह दोन जणांना अटक केली आहे.
फलटण ग्रामीण पोलीस ठाण्यातून मिळालेल्या माहितीनुसार, मौजे सोमंथळी (ता. फलटण) गावच्या हद्दीतील सतीश उर्फ आप्पा दादासो दडस (वय २७, राहणार सोमंथळी ता. फलटण) हा तरुण बेपत्ता झाल्याची तक्रार दिनांक २१ जानेवारी २०२६ रोजी त्याचा भाऊ सागर दडस यांनी फलटण ग्रामीण पोलीस ठाण्यात दाखल केली होती.
सदर बेपत्ता प्रकरणात घातपात झाल्याची गोपनीय माहिती ग्रामीण पोलीसांना मिळाल्यानंतर फलटण ग्रामीण पोलीसांनी तपासाची चक्रे वेगाने फिरवली. तपासादरम्यान मौजे विडणी येथील रेखा लक्ष्मण बुधावले (रा. मांगोबामाळ, बुधावलेवस्ती, विडणी, ता. फलटण, जि. सातारा) हिचे सुरुवातीला सतीश तुकाराम माने याच्याशी प्रेमसंबंध होते. मात्र नंतर तिचे मृत तरुण सतीश दडस याच्याशी संबंध निर्माण झाल्याने त्यातूनच वाद निर्माण होऊन हा खून झाल्याची माहिती पुढे आली.
गोपनीय व तांत्रिक माहितीच्या आधारे पोलीसांनी आरोपी महिलेचा पती लखन बंडू बुधावले (रा. मांगोबामाळ, बुधावलेवस्ती, विडणी, ता. फलटण, जि. सातारा)व प्रियकर सतीश तुकाराम माने (रा. मांगोबामाळ, बुधावलेवस्ती, विडणी, ता. फलटण, जि. सातारा) यांना ताब्यात घेतले. सुरुवातीला त्यांनी उडवाउडवीची उत्तरे दिली. मात्र पुढील तपासात रेश्मा लखन बुधावले हिला ताब्यात घेतल्यानंतर तिने गुन्ह्याची कबुली दिली.
दिनांक १४ जानेवारी २०२६ रोजी प्रेमसंबंधाच्या कारणावरून सतीश दडस, सतीश माने व लखन बुधावले यांच्यात वाद झाला. त्यावेळी लोखंडी रॉडने मारहाण करून सतीश दडस याला गंभीर जखमी करण्यात आले. त्यानंतर दवाखान्यात नेत असल्याचा बनाव करून विडणी येथील मांगोबामाळ परिसरात नेऊन डोक्यात दगड घालून त्याचा खून करण्यात आला.खून केल्यानंतर रात्री लखन बंडू बुधावले, रेखा लक्ष्मण बुधावले, सतीश तुकाराम माने या तिघांनी मिळून लाकूड कापण्याच्या मशीनने मृतदेहाचे तुकडे करून दोन पोत्यांत भरले व साठेगाव हद्दीतील एका शेततळ्यात तसेच नीरा नदीच्या पात्रात वेगवेगळ्या ठिकाणी मृतदेहाचे तुकडे टाकून पुरावे नष्ट करण्याचा प्रयत्न केला.
बेपत्ता तपासातून हा अतिशय क्लिष्ट गुन्हा उघडकीस आणत फलटण ग्रामीण पोलीसांनी अवघ्या ४ तासांत तिन्ही आरोपींना अटक केली आहे. सदर गुन्ह्याचा तपास फलटण ग्रामीण पोलीस ठाण्याचे पोलीस निरीक्षक संदीप जगताप करत आहेत.
सदरची कामगिरी तुषार दोशी, पोलीस अधीक्षक, वैशाली कडुकर, अपर पोलीस अधीक्षक, विशाल खांबे, उपविभागीय पोलीस अधिकारी फलटण यांच्या सूचनांनुसार संदीप जगताप, पोलीस निरीक्षक यांच्या मार्गदर्शनाखाली प्रशांत सुबनावळ, सहा. पोलीस निरीक्षक, डी. बी. पथकाचे दिपक पवार, पोलीस उपनिरीक्षक, शिवानी नागवडे, म.पो. उपनिरीक्षक, पो. हवा. प्रदीप खरात, वैभव सुर्यवंशी, नितिन चतुरे. अमोल जगदाळे, विक्रम बनकर, गणेश यादव, संदीप मदने, अमोल चांगण, पो.कॉ. हनुमंत दडस. तुषार नलवडे, गणेश ठोंबरे, शिवराज जाधव, अमोल देशमुख, सुरज काकडे, अविनाश शिदे. च यु.आर. पेंदाम, म. पो. हवालदार, म. पो. कॉ. गौरी सावंत यांनी या कारवाईमध्ये भाग घेतला होता.
मृतदेहाचे क्रूरपणे व लाकडे कापण्याच्या मशीनने केले तुकडे
लाकडे कापण्याच्या मशीनने सतीश उर्फ आप्पा दादासो दडस यांचे मुंडके, खांद्यापासून हात व गुडघ्यापासून पाय वेगळे करण्यात आले. मृतदेहाचे काही भाग साठे गावातील एका शेततळ्यात पाण्याच्या गाळात पुरून ठेवण्यात आला, तर हात, पाय व मुंडके निरा नदीत फेकून दिले.
