फलटण :- पंढरपूर येथे गेली 24 वर्षापासून अनाथ व विशेष बालकांसाठी व वृद्धांसाठी कार्यरत असलेल्या पालवी संस्थे मधिल १०० मुलांची सहल फलटण येथे आली होती यावेळी जैन सोशल ग्रुप फलटण मार्फत सर्व सदस्यांच्या सहकार्याने व योगदानाने पालवी संस्थेस भरीव आर्थिक मदत करण्यात आली. नवल बाई मंगल कार्यालयात संपन्न झालेल्या कार्यक्रमात पालवीतील विद्यार्थ्यांनी सांस्कृतिक कार्यक्रम सादर केले.
यावेळी पालवी संस्थेतील सर्व मुलांची जेवणाची सोय जैन सोशल ग्रुप च्या वतिने करण्यात आली. याच कार्यक्रमात १०वी,१२ वी व CBSC मध्ये उज्वल यश संपादन केलेल्या फलटण मधिल कु. दीक्षा शहा-९७.२%,कु.सिया दोशी-९५%,कु.सिमरण गांधी-94.2%,चि. जय कीर्ती रणदिवे-93.60% ,कु. स्वरा शहा-93%यांचे सह 21 विद्यार्थी – विद्यार्थिनी यांचा व पालवी संस्थेतील विद्यार्थ्यांचा सन्मानपत्र व मोत्याची माळ देऊन ऊचित सत्कार करण्यात आले.
पालवी संस्थेच्या सह संस्थापिका डिंपल ताई घाडगे यांनी पालवी संस्थेच्या कार्याची ओळख करुन दिली व संस्थे बद्दल माहिती देऊन आर्थिक मदतीचे आवाहन केले.यावेळी जैन सोशल ग्रुपचे अध्यक्ष श्रीपाल जैन,सचिव निना कोठारी, पालवी संस्थेच्या सह संस्थापिका डिंपलताई घाडगे, बिल्डर्स असोसिएशन ऑफ इंडिया फलटण सेंटरचे अध्यक्ष महेंद्र जाधव,श्रीराम बझार चे संचालक तुषार गांधी, श्री चंद्रप्रभू दिगंबर जैन मंदिर चे अध्यक्ष अनिलकाका शहा(वडुजकर)सराफ, मार्केट कमिटी फलटण कांदा व भुसार असोसिएशनचे सचिव धिरेन शहा,जैन सोशल ग्रुप चे उपाध्यक्ष प्रीतम शहा,माजी अध्यक्ष राजेंद्र कोठारी,सह सचिव हर्षद गांधी, मेंबरशिप ग्रोथ चेअरमन डाॅ.अशोक व्होरा व जैन सोशल ग्रुपचे सदस्य, सत्कार मूर्ती विद्यार्थ्यांचे पालक बहुसंख्येने उपस्थित होते.
कार्यक्रमाच्या प्रास्ताविकात अध्यक्ष श्रीपाल जैन यांनी जैन सोशल ग्रुप च्या सामाजीक कार्याचा आढावा सादर करून पालवी संस्थेच्या कार्या बद्दल गौरवोद्गार काढुन पालवी संस्थेस सर्वोतोपरी सहकार्य करण्यात येईल असे नमुद केले.उपाध्यक्ष प्रीतम शहा यांनी पालवी संस्थे बद्दल विस्तृत माहिती दिली. या आगळ्यावेगळ्या कार्यक्रमासाठी सौ.पुजा भुता, सौ. प्रज्ञा दोशी यांचे सहकार्य लाभले. कार्यक्रमाचे सूत्रसंचालन ओम जैन व पुजा भुता यांनी केले. आभार प्रदर्शन सचिव निना कोठारी यांनी केले.
