फलटण :- फलटण शहरामधील असणारी वाहतूक कोंडीची समस्येच्याबाबत व ईतर शहरातील विविध समस्येबाबत माढा लोकसभा मतदारसंघाचे माजी खासदार रणजितसिंह नाईक निंबाळकर व फलटण – कोरेगाव विधानसभा मतदारसंघाचे नवनिर्वाचित आमदार सचिन पाटील यांच्या प्रमुख उपस्थितीमध्ये नगर परिषद व पोलिस प्रशासन यांची आढावा बैठक आयोजीत करण्यात आली आहे.
फलटण – कोरेगाव विधानसभा मतदारसंघाचे नवनिर्वाचित आमदार सचिन पाटील यांच्या प्रमुख उपस्थितीमध्ये नगर परिषदेच्या विविध विषयावर ही पहिलीच बैठक आहे. नगरपरिषदेच्या सभागृहात आज बुधवार दि. ११ डिसेंबर रोजी सायंकाळी ४ वाजता फलटण बैठकीचे आयोजन करण्यात आले आहे. या बैठकीस माजी खासदार रणजितसिंह नाईक निंबाळकर, आमदार सचिन पाटील यांच्यासह नगरपरिषद व पोलिस प्रशासनातील अधिकारी, कर्मचारी उपस्थित राहणार आहेत.
