फलटण येथील महिला डॉक्टरच्या आत्महत्या प्रकरणातील पोलिस अधिकाऱ्याला निलंबित करण्याचे देवेंद्र फडणवीसांनी दिले तातडीचे आदेश

महाराष्ट्र माझा न्युज नेटवर्क

क्राईम न्यूज

फलटण:- मुख्यमंत्री देवेंद्र फडणवीस यांच्याकडून फलटणमधील महिला डॉक्टर आत्महत्या प्रकरणाची याप्रकरणाची गंभीर दखल घेण्यात आली आहे. आत्महत्ये प्रकरणी संबंधित जबाबदार असलेल्या पोलिस अधिकाऱ्याला तात्काळ निलंबित करा, असे आदेश दिले आहेत. २६ रोजी मुख्यमंत्री देवेंद्र फडणवीस फलटण दौऱ्यावर येत असून दौऱ्यापूर्वी आत्महत्येच्या प्रकरणामुळे खळबळ उडाली आहे.

फलटण येथील उपजिल्हा रुग्णालयात कार्यरत असलेल्या डॉ. संपदा मुंडे यांनी काल रात्री त्रासाला कंटाळून आत्महत्या केली होती. आत्महत्ये प्रकरणी PSI गोपाल बदने आणि प्रशांत बनकर हे माझ्या मृत्यूला जबाबदार असल्याचे तिने हातावर लिहिलेल्या सुसाईड नोटमध्ये नमूद केले होते.मुख्यमंत्री आणि राज्याचे गृहमंत्री देवेंद्र फडणवीस यांनी या प्रकरणाची तात्काळ दखल घेतली आहे. त्यांनी याप्रकरणी तातडीने जबाबदार असलेल्या पोलीस अधिकाऱ्याचे निलंबित करण्याचे आदेश दिले आहेत.मुख्यमंत्री देवेंद्र फडणवीस यांच्याकडून फलटणमधील महिला डॉक्टर आत्महत्याप्रकरणी गंभीर दखल घेतली आहे.

मुख्यमंत्री देवेंद्र फडणवीस यांनी या संबंधित जबाबदार असलेल्या पोलीस अधिकाऱ्याला तात्काळ निलंबित करा, असे आदेश दिले आहेत. यामुळे आता याप्रकरणाच्या चौकशीला वेग येण्याची शक्यता आहे. फलटण येथील उपजिल्हा रुग्णालयात काम करणाऱ्या महिला डॉक्टर डॉ. संपदा मुंडे यांनी काल रात्री टोकाचे पाऊल उचलत आत्महत्या केली. मिळालेल्या माहितीनुसार, डॉ. मुंडे या गेल्या काही महिन्यांपासून पोलीस आणि आरोग्य विभागातील एका कथित वादात अडकल्या होत्या.

एका वैद्यकीय तपासणीच्या प्रकरणात पोलीस कर्मचाऱ्यांशी झालेल्या वादामुळे त्या चर्चेत होत्या. या प्रकरणानंतर त्यांच्यावर अंतर्गत चौकशीदेखील सुरू होती. या तणावामुळेच त्यांनी हे टोकाचे पाऊल उचलल्याचा प्राथमिक अंदाज आहे. यावेळी डॉ. संपदा मुंडे पोलीस अधिकाऱ्यावर थेट अत्याचार आणि छळाचे आरोप केले आहेत. त्यामुळे साताऱ्याच्या पोलीस दलात मोठी खळबळ उडाली आहे.

डॉ. संपदा मुंडे यांनी आत्महत्येपूर्वी एक सुसाईड नोट लिहिली होती. या सुसाईड नोटमध्ये तिने तिच्या मृत्यूला PSI गोपाल बदने आणि प्रशांत बनकर हे जबाबदार असल्याचे म्हटलं आहे. त्यामुळे या प्रकरणी दोन्ही आरोपी कठोर कारवाई करावी, अशी मागणी केली जात होती. अखेर आता मुख्यमंत्री देवेंद्र फडणवीस यांनी याप्रकरणी तात्काळ कारवाई करत पोलीस अधिकाऱ्याचे निलंबित केले आहे.