महाराष्ट्र माझा न्युज नेटवर्क
फलटण:- फलटण ग्रामीण पोलिस ठाण्याच्या हद्दीत रात्री संशयितरित्या फिरताना पाच जण आढळून आले असता त्यांच्याकडून ग्रामीण पोलिसांनी अधिक तपास केला असता काही ट्रान्सफॉर्मरची चोरी केल्याची कबुली दिली आहे.
फलटण ग्रामीण पोलिस ठण्यातून मिळालेल्या माहितीनुसार, ग्रामीण पोलिस ठाण्याच्या हद्दीत १. संतोष जगन्नाथ घाडगे २. किरण भीमराव घाडगे ३. सागर युवराज घाडगे ४. प्रशांत सुनील जुवेकर (सर्व राहणार मलटण फलटण) ५. रोहिदास सोपान कदम (राहणार चौधरवाडी ता. फलटण) हे रात्री संशयितरित्या आढळून आले असता त्यांच्याकडे अधिक तपास केल्यावर त्यांनी काही ट्रान्सफॉर्मरची चोरी कबुली दिली आहे. त्यांचेकडूने गैस सिलेंडर व कोपर पण जप्त केले आहे. पाच जणांना सात दिवस पोलिस कोठडी मिळाली असून त्यांचेकडून आणखीन ट्रान्सफॉर्मर गुन्हे उघड होणेची शक्यता आहे.
सदर कारवाई पोलिस अधीक्षक समीर शेख, अपर पोलिस अधीक्षक डॉ.वैशाली कडूकर, उपविभागीय पोलिस अधिकारी राहुल धस यांचे मार्गदर्शनाखाली पोलिस निरीक्षक सुनील महाडीक, शिवाजी जायपत्रे, सपोनि, गुन्हे प्रकटीकरणचे पो.उप.नी गोपाल बदने, महादेव पिसे, नितीन चतुरे,तात्या कदम, अमोल जगदाळे, हनुमंत दडस यांनी केली.ग्रामस्थांनी ज्यांची कनेक्शन ट्रान्सफॉर्मर वर आहेत त्यांनी सुधा जागृत राहून अचानक लाईट गेल्यास ११२ ला कळवावे तसेच ट्रान्सफॉर्मर तत्काळ चेक करावे व रात्री नवीन मोटरसायकल अथवा चार चाकी दिसल्यास तत्काळ ११२ कळवावे तसेच ग्रामसुरक्षा यंत्रणेचा वापर करावा अनेक गावात ग्रामसुरक्षा यंत्रणेचा वापर प्रभावी होत नाही काही गावाची यंत्रणा बंद आहे तरी ग्रामस्थांनी सहकार्य करावे असे आवाहन पोलिस निरीक्षक सुनील महाडीक यांनी केले आहे.
