फलटण प्रतिनिधी:- येथे मुख्यमंत्री देवेंद्र फडणवीस व उपमुख्यमंत्री अजित पवार यांच्या वाढदिवसाच्या निमित्ताने फलटणमध्ये रक्तदान शिबिराचे आयोजन मंगळवार दि. २२ जुलै रोजी सकाळी ८ ते दुपारी १ वाजेपर्यंत महारक्तदान शिबिराचे आयोजन करण्यात आले आहे.
मुख्यमंत्री देवेंद्र फडणवीस व उपमुख्यमंत्री अजित पवार यांच्या वाढदिवसाच्या निमित्ताने आयोजित करण्यात आलेले रक्तदान शिबिर हे महाअभियानाचा भाग आहे. फलटण येथील महाराजा मंगल कार्यलय येथे मंगळवार दि. २२ जुलै रोजी सकाळी ८ ते दुपारी १ वाजेपर्यंत भारतीय जनता पक्ष, राष्ट्रवादी काँग्रेस पार्टी, शिवसेनेसह महायुतीच्या संयुक्त विद्यमाने रक्तदान शिबिराचे आयोजन करण्यात आले असल्याची माहिती आमदार सचिन पाटील आणि माजी खासदार रणजितसिंह नाईक निंबाळकर यांनी दिली आहे.
रक्तदान हा सर्वोत्तम दान असून, रक्ताची सदैव गरज असते. अनेकदा आपत्कालीन वेळी रक्ताची उपलब्धता नसल्याने जीवहानीचा धोका निर्माण होतो. या पार्श्वभूमीवर लोकांना रक्तदानासाठी उद्युक्त करणे तसेच रक्तपेढ्यांतील रक्तसाठा वाढविणे हे या शिबिराचे मुख्य ध्येय आहे. या संदर्भात आमदार सचिन पाटील आणि माजी खासदार रणजितसिंह नाईक निंबाळकर यांनी रक्तदान शिबिरामध्ये सहभागी होण्याचे आवाहन केले आहे.
रक्तदान शिबिरामुळे रक्तदान संस्कृतीत वाढ होण्यास मदत होईल व गरजू रुग्णांना वेळेत रक्त उपलब्ध होण्यास हातभार लागू शकेल.फलटण तालुक्यातील नागरिक, भाजप व महायुतीचे प्रमुख पदाधिकारी, कार्यकर्ते आणि हितचिंतक तसेच नागरिकांनी सर्वांनी या रक्तदान शिबिरात उपस्थित राहून सहभाग नोंदवावा असे आवाहन करण्यात आले आहे.
